Opna verdas første heilelektriske oppdrettsanlegg

Når det er mogeleg å driva heilelektrisk på Loddetå, er det mogeleg å gjera det på dei aller fleste oppdrettsanlegg langs kysten, meiner Bremnes Seashore.

Onsdag morgon var det opning med både statsminister og ordførar til stades. Erna Solberg på Teams rosa både innovasjon og samarbeid, og trekte fram reduksjon av klimautslepp før ho erklærte anlegget for opna.

Sidan statsministeren var i Oslo, fekk ordførar Linn Therese Erve (Ap) æra av å trykka på knappen på kontoret til Bremnes Seashore på Tittelsnes.

–  Det er fantastisk at ein er komen så langt. Dette er vegen å gå og svært viktig for klima og reduksjon av utslepp. Og det er flott at dei deler teknologien slik at den kan brukast av andre i næringa. Me er stolte over at ein lokasjon i Sveio er pilot for verdas første oppdrettsanlegg i sitt slag, og det var stats å høyra statsministeren seia «i Sveio kommune» i sin tale, seier Erve.

Sjå Erna sin tale her:

Etter opninga bar det til sjøs med MS «Ida». Nesten lydlaust la arbeidsbåten frå kai for elektrisk motor. Om bord var mellom andre konsernsjef Olav Svendsen, adm. dir Einar Eide, innovasjonssjef Laila Knarvik og utviklingssjef Simon Nesse Økland. Ein stor dag for alle, men kanskje størst for Nesse Økland som har drive fram prosjektet.

Han er Jimi Hendrix-fan, og inspirert av el-gitarversjonen til Hendirx av den amerikanske nasjonalsongen under Woodstock, fann Nesse Økland ut at noko liknande måtte ein få til på ein så stor dag for Bremnes Seashore og oppdrettsnæringa.

– No skal me ta turen ut til anlegget. Når me kjem dit skal Andreas Södergren (el-gitar) og Øystein Lund Olafsen (keyboard) spela nasjonalsongen for fisken og oss, og kanskje overraska nokre hyttenaboar.

Elektrifiseringa er eit resultat av eit samarbeid mellom Bremnes Seashore, ABB og Miljøstiftelsen Bellona.

Våren 2018 presenterte ABB og Bellona saman rapporten «Laks på Landstrøm», som viser at det er muleg å redusera klimagassutslepp fra oppdrettsnæringa betydeleg ved å satsa på heilelektriske anlegg.

Straum til merdkanten

Mens fleire oppdrettarar har sørga for landstraum fram til fôrflåtane, er Bremnes først med å sørga for landstraumm heilt ut på merdkanten. Dermed kan også arbeidsoperasjonar ute på merdane drivast elektrisk. Bremnes Seashore har blant anna investert i den elektrisk arbeidskatamaranen «Ida» som nå er i drift på Loddetå.

– Me som jobbar i Bremnes Seashore er utroleg stolte over å vera først i verda med eit heilelektrisklakseoppdrettsanlegg. Dette har vært muleg takka vera godt samarbeid med ABB, Bellona og andre partnarar. Med landstraumhelt ut på merdkanten blir det muleg å utføra alle kraftkrevandeoperasjonar med fornybar energi. Heilelektriskeoppdrettslokalitetar er gode nyhende for dei tilsette, laksen, naboane og for samfunnet elless, seier Nesse Økland.

Viser veg for næringa

– Oppdrettsnæringa skaper enorme verdiar for Noreg, men den har også eit fotavtrykkog klimagassutslepp. Me trenger meir innovasjon for å få havbruksnæringa over i det grøne skiftet, og det er kjempeviktig at me får elektrifisert det me kan, seier klima- og miljøminister Sveinung Rotevatn.

Bellona meiner prosjektet viser veg for heile oppdrettsnæringa.

–Næringa må kutta sineklimagassutslepp,og utslepp i produksjonsfasen er ein del av dette.Den lokale miljøgevinsten erogsåsvært viktig.Elektrifiseringaukar fiskevelferden og reduserer faren for dieselutslepp. Samtidig forsvinn all støyen frå dieselaggregata.Det er bra for arbeidsmiljøet og lokalmiljøet, seierfagsjef Christian Eriksen i Bellona.

Løyste fleire utfordringer

Investering i elektrisk drift vil også gi ein økonomisk vinst. Kor raskt investeringa vil gi auka lønsemd er avhengig av fleire forhold, blant anna om det kjem støtteordningar.

Det var fleire utfordringer som måtte løysast for å kunna drifta oppdrettsanlegget på Loddetå med landstraum. Saman med ABB har Bremnes Seashore funne fram til løysingar som sørger for tilstrekkeleg kraftforsyning heile vegen frå land og ut til merdane. Utstyret til de ulike operasjonane må tåla det fuktige og tidvis barske klimaet du kan oppleva ute på eit oppdrettsanlegg.

–  Bremnes Seashore viser veg for resten av næringa, og me venter at mange andre også vil gå i denne retninga dei kommande åra. ABB har lang erfaring med elektrifisering, og i dette prosjektet har det vore eit poeng å gjennomføra elektrifiseringa utelukkande ved hjelp av standardkomponentar. Ved hjelp av høgspent er det også muleg å levera meir kraft til anlegg som ligger langt fra land, seier Lars Andersen, salgsspesialist for akvakultur i ABB.