nyhende
Nytt rekordår for norsk sjømat
Norsk sjømat sørgde for meir enn 170 milliardar kroner i eksportinntekter i 2023. Det er 20 milliardar meir enn rekordåret 2022.
– Eksporten vår går til mange land. Vi har eit breitt spekter med sjømat frå sild til kongekrabbe, og vi maktar å tilpasse oss behovet til kundane, seier administrerande direktør Christian Chramer i Noregs sjømatråd til Klassekampen.
Polen er det største enkeltlandet for norsk fiskeeksport. Landet har omfattande produksjon av røykt laks.
Også Kina aukar importen av spesielt laks, men også andre fiskeslag og kongekrabbe.
