Krigen har ført til at det ikkje lenger kjøpast inn varer frå Russland og Kviterussland, som er store produsentar av trelast og trebaserte produkt. Det kan gi dyrere byggjevarer.FOTO: NPK
Nytt prishopp på byggjevarer – opptil 20 prosent dyrare frå april
Byggjevarekjeder åtvarar om at byggjevarer kan bli inntil 20 prosent dyrare i løpet av våren. Bransjen skuldar på krigen i Ukraina.
NPK-NTB: – Marknaden kjem nok opp på det høgaste prisnivået vi har sett dei siste fem åra, seier Pål Erichsen, kategoridirektør i Optimera – Noregs største aktør innan sal og distribusjon av byggjevarer, trelast og interiør, til NRK.
Firmaet, som har rundt 140 Montér-butikkar i Noreg, har varsla prisendringar frå 1. april 2022.
– I over to år har vi hatt ein sterk marknad med høg internasjonal etterspurnad, og på toppen av dette kjem utfordringar knytt til krigen i Ukraina, seier Erichsen.
Krigen har ført til at det ikkje lenger blir kjøpt inn varer frå Russland og Kviterussland, som er store produsentar av trelast og trebaserte produkt.
– Då må dette hentast frå andre marknader. Dei vil få større etterspurnad og prisen kan auke, seier Erichsen.
I tillegg vil varer som blir produserte ved hjelp av betydelege mengder energi, bli påverka av høge energiprisar. Erichsen antek det vil gi ein prisauke på isolasjonsprodukt og gipsplater.
NPK-NTB: – Marknaden kjem nok opp på det høgaste prisnivået vi har sett dei siste fem åra, seier Pål Erichsen, kategoridirektør i Optimera – Noregs største aktør innan sal og distribusjon av byggjevarer, trelast og interiør, til NRK.
Firmaet, som har rundt 140 Montér-butikkar i Noreg, har varsla prisendringar frå 1. april 2022.
– I over to år har vi hatt ein sterk marknad med høg internasjonal etterspurnad, og på toppen av dette kjem utfordringar knytt til krigen i Ukraina, seier Erichsen.
Krigen har ført til at det ikkje lenger blir kjøpt inn varer frå Russland og Kviterussland, som er store produsentar av trelast og trebaserte produkt.
– Då må dette hentast frå andre marknader. Dei vil få større etterspurnad og prisen kan auke, seier Erichsen.
I tillegg vil varer som blir produserte ved hjelp av betydelege mengder energi, bli påverka av høge energiprisar. Erichsen antek det vil gi ein prisauke på isolasjonsprodukt og gipsplater.
