nyhende
Nytt meisterskap til Ingrid Kindlihagen
I helga blei det arrangert nordisk meisterskap i ledklatring i København. Sveibuen Ingrid Kindlihagen var suveren i kvinneklassen.
Kindlihagen fekk ein alvorleg skulderskade under European Games i juli. Den sette henne ut for resten av sesongen. Men etter å ha teke eit suverent gull i kvinner senior under nordisk, ser det no ut til å vera god framgang for neste sesong.
Kindlihagen representerer Haugaland Klatrelag, som stilte med fire deltakarar i nordisk meisterskap. Anna Vivelid tok ein sterk fjerdeplass i klassen jenter U18, medan Camilla Sørbotten Marcussen blei nummer sju i klassen jenter U20 og Hannah Hafthorsen Skjold blei nummer 15, også i jenter U20, skriv Anders Kindlihagen i ein e-post.
