nyhende
Nye avhøyr denne veka
Etterforskinga rundt drapsforsøket på Lyngholm i påska held fram denne veka. — Me vil dra til Sveio og avhøyra vitna på ny, seier Svein Håland, politiadvokat for Agder politidistrikt.
I dei komande dagane skal etterforskarar frå Agder politidistrikt ta vegen til Sveio.
Der skal dei mellom anna gjere nye avhøyr av vitna i saka.
— Me har brukt forrige veke på å setja oss inn i saka, og har planlagt etterforskinga, seier Svein Håland, politiadvokat for Agder politidistrikt.
Dei vil også gjera eit forsøk på å avhøyra mannen i 30-åra som er sikta for drapsforsøk.
— Me jobbar med å avtala nytt avhøyr med sikta, seier Håland.
Då mannen vart pågripen på påskeaftan tok politiet ein blodprøve av han.
Advokaten til den sikta, Odd Rune Torstrup, har sagt at han var rusa under avhøret etter pågripinga. Politiet har framleis ikkje svar på om dei er einige.
— Svar på blodprøven har ikkje kome tilbake enno, seier Håland.
