nyhende
Nybygget reiser seg på Ekrene
Mange månader etter tidsplanen er endeleg elementa til Birkeland-gruppa sitt nybygg i Ekrene Næringspark under montering.
– I løpet av neste veke reknar eg med at alle betongelementa er på plass. Deretter kjem takstolar og montering av vindaugo og dører. I løpet av november reknar eg med at bygget er ferdig utvendig, seier prosjektleiar Helge Mundal i Birkeland AS til Vestavind.
Tett hus i november
Når bygget er ferdig innreidd og innflyttingsklart, kan han ikkje seia i dag.Størstedelen av nybygget på 2.000 kvadratmeter skal disponerast av dotterselskapet BJ Kran AS.
I den låge delen mot sør skal eit anna dotterselskap, Anleggsgartner Håkon Bjørndal AS, ha sine kontor.
Annonse
Forseinka
– Betongelementa til nybygget har vore ferdig produserte sidan påsketider. Monteringa har blitt forseinka på grunn av behov for utskifting av masse i grunnen, forklarar Mundal.
