nyhende
Nordmenn på Temu-toppen i Norden
Temu-handelen i Noreg er stigande, og den skil seg ut frå resten av Norden. Den kinesiske handelsplattforma er langt meir populær i Noreg enn i Sverige.
Ifølgje ein netthandelrapport handlar 41 prosent av nordmenn som netthandlar, frå Temu.
– Temu har vorte ein svært synleg aktør på kort tid, og kombinasjonen av låge prisar, breitt utval og ei aggressiv marknadsføring i sosiale medium ser ut til å treffe norske forbrukarar godt, seier Postnord Norges marknadssjef Astrid Åmellem Brøto i ei pressemelding.
Noreg er størst i Norden med nesten dobbelt så stor Temu-del som svenskane, der han utgjer berre 23 prosent. I Danmark og Finland har Temu ein marknadsdel på høvesvis 26 og 25 prosent.
– I Noreg held Temu-toget fram med å rulle, og basert på resultata frå rapporten i fjor ser vi ein auke på heile 5 prosentpoeng som handlar på Temu, seier Brøto.
Ho trur det har vore lettare for Temu å ta den norske marknaden med storm.
– Amazon har eit heilt anna nærvær i eksempelvis Sverige, som gir Temu langt større konkurranse. Konklusjonen er at det truleg har vore lettare for Temu å ta marknadsdelar i Noreg samanlikna med dei andre nordiske landa.
