NPK-NTB: Gjennomsnittsnordmannen har tilgang til nær tre strøymetenester, men vi er òg kjappe til å seie opp abonnementa.
75 prosent av nordmenn har tilgang til éi eller fleire strøymetenester, ifølgje ei undersøking frå Deloitte, som er omtalt av Aftenposten.
I gjennomsnitt abonnerer nordmenn på 2,84 ulike tenester. Netflix, HBO Max og Viaplay er dei mest populære.
Sjølv om dei tradisjonelle TV-kanalane satsar stort på strøymemarknaden, er det dei dedikerte strøymetenestene som veks mest, og ganske nyetablerte Disney+ konkurrerer allereie med Viaplay om tredjeplassen.
Undersøkinga tek for seg tolv europeiske land, og blant dei er Noreg leiande på å seie opp abonnement. 23 prosent av dei spurde nordmennene fortalde at dei sjølv eller nokon i husstanden, hadde sagt opp ei strøymeteneste dei siste tolv månadene.
Rådgivar Joachim Gullaksen i Deloitte Consulting seier til Aftenposten at den norske marknaden truleg har nådd eit mettingspunkt.
– Strøymeselskapa klarer ikkje å halde oppe veksten, og resultatet blir ein sterkare konkurranse om pris, seier han.
Marianne Massaiu i mediebyrået GroupM trur det blir ein nedgåande trend å behalde strøymetenester av gammal vane. Ho meiner at innhald og brukargrensesnitt blir avgjerande for kva for tenester som kjem sigrande ut av den harde konkurransen.
NPK-NTB: Gjennomsnittsnordmannen har tilgang til nær tre strøymetenester, men vi er òg kjappe til å seie opp abonnementa.
75 prosent av nordmenn har tilgang til éi eller fleire strøymetenester, ifølgje ei undersøking frå Deloitte, som er omtalt av Aftenposten.
I gjennomsnitt abonnerer nordmenn på 2,84 ulike tenester. Netflix, HBO Max og Viaplay er dei mest populære.
Sjølv om dei tradisjonelle TV-kanalane satsar stort på strøymemarknaden, er det dei dedikerte strøymetenestene som veks mest, og ganske nyetablerte Disney+ konkurrerer allereie med Viaplay om tredjeplassen.
Undersøkinga tek for seg tolv europeiske land, og blant dei er Noreg leiande på å seie opp abonnement. 23 prosent av dei spurde nordmennene fortalde at dei sjølv eller nokon i husstanden, hadde sagt opp ei strøymeteneste dei siste tolv månadene.
Rådgivar Joachim Gullaksen i Deloitte Consulting seier til Aftenposten at den norske marknaden truleg har nådd eit mettingspunkt.
– Strøymeselskapa klarer ikkje å halde oppe veksten, og resultatet blir ein sterkare konkurranse om pris, seier han.
Marianne Massaiu i mediebyrået GroupM trur det blir ein nedgåande trend å behalde strøymetenester av gammal vane. Ho meiner at innhald og brukargrensesnitt blir avgjerande for kva for tenester som kjem sigrande ut av den harde konkurransen.
