No har biblioteksjefen fått svar på skjenkesøknaden

— Me fekk melding på onsdag at me har fått løyve. Dette blir spanande, seier biblioteksjef Kristine Thorkildsen.

Søknaden har skapt debatt kring skjenkepolitikken i Sveio, men no er det altså klart at biblioteket har fått løyvet de har søkt om.

Kommunen har gjort eit administrativt vedtak, i tråd med delegasjonsreglementet sitt. Det betyr at kommunestyret tidlegare har avgjort at skjenkesøknadar skal handsamast av kommunen sine fagfolk.

Då er alt klart for det planlagte arrangementet som det vart søkt om skjenkeløyve til, nemleg litterær salong med Agnes Ravatn og hennar nye bok Gjestene.

Arrangementet vert held torsdag 24. november på Sveio folkebibliotek.