Nesten like mange drukna i juli som heile første halvår

Ulykkene i juli skjedde i heile landet og omfatta både bading, fritidsbåtbruk, dykking og fall frå land.

–  Medan drukningstala første halvår gav grunn til forsiktig optimisme, blei juli dessverre ei påminning om kor raskt bildet kan snu, seier Tanja Krangnes, fagsjef for drukningsforebygging i Redningsselskapet.

Fellesferie kombinert med høge temperaturer og lite nedbør i store delar av landet har gjort juli til ein månad med svært høg aktivitet på og i vatn – og dermed også auka risiko for drukningsulykker.

Eldre vaksne mest utsette

10 av de 15 personene som mista livet i juli var mellom 60 og 92 år. Sju av desse ulykkene skjedde under bading.

– Me ser særleg ei auke i badeulykker blant eldre i varmt sommarvêr, ofte med tragisk utfall, slik me også opplevde under hetebølga i juli 2018. Mange kan ha svekka fysikk, underliggande sjukdommar eller dårlegare svømmeferdigheiter enn tidlagare i livet. For fleire kan det vera lenge sidan dei bada sist. Eit illebefinnande i vatnet, som svimmelheit eller hjerteflimmer, kan då få alvorlege følger – særlig om ein badar aleine, seier Krangnes.

Drukningsforebygging retta mot eldre

– Drukningsforebygging må fortsatt prioriterast høgt gjennom heile året, og eldre må i større grad nås med målretta tiltak og informasjon. For å lykkast, trengs det tverrsektorielt samarbeid, og me bør involvera dei som allereie møter aldersgruppa i kvardagen, som fastlegar, apotek, pensjonistforeiningar og båtforeininger, sier Krangnes.

Redningsselskapet oppfordrar alle til å bruka godkjent redningsvest i båt, unngå å bada aleine og vera varsam med alkohol i forbindelse med vassaktivitetar. Tilpass aktivitetane etter eigen form og ferdigheiter.

Om ulykkene i juli

14 menn og éi kvinne drukna i juli. Den yngste var 20 år, mens den eldste var i 90-åra.

Bading

• Vestland: Mann i 70-åra mista livet i ei badeulykke i sjøen i Stord kommune.
• Rogaland: Mann i 70-åra omkom under bading i sjøen i Karmøy kommune.
• Oslo: Mann i 70-åra mista livet under bading i sjøen i Oslo kommune.
• Innlandet: Kvinne i 70-åra mista livet i forbindelse med bading i eit vann i Nord-Odal kommune.
• Vestfold: Mann i 80-åra omkom under bading i eit vann i Tønsberg kommune.
• Vestfold: Mann i 60-åra omkom i forbindelse med bading i sjøen i Sandefjord kommune.
• Møre og Romsdal: Mann i 70-åra mistet livet under bading i sjøen i Tingvoll kommune.
• Buskerud: Mann i 30-åra druknet under bading i eielv i Ringerike kommune.

Fritidsbåt og kajakk

• Trøndelag: 92 år gammel mann fra Danmark omkom etter at ein båt med to personar om bord kantra på elva Namsen. Èin person overlevde.
• Trøndelag: Ein tysk mann på 20 år omkom i en kajakkulykke i elva Driva i Oppdal kommune
• Nordland: Mann i 50-åra ble funnet omkomen i eit vann i Sørfold kommune, etter å ha blitt meldt sakna då han ikkje kom tilbake frå ein fisketur med båt.
• Nordland: Ein mann i 70-årene fall i sjøen og omkom då han skulle ned til båten sin i Helligvær i Bodø kommune.

Tre andre drukningsulykker:

• Rogaland: Ein person blei funne livlaus i sjøen ved ei øy i Stavanger kommune. Kva som har hendt er foreløpig ikkje kjent.
• Nordland: Mann i byrjinga av 60-åra omkom i ei dykkerulykke i Herøy kommune.
• Telemark: Mann i 40-åra fall i vatnet og omkom i forbindelse med arbeid ved ein campingplass i Midt-Telemark kommune.

Sjå detaljert statistikk for juli og heile 2025 på rs.no/drukning.