nyhende
Nesten dobla trafikk på Stord lufthamn i fjor
I 2025 nytta 52.661 personar seg av Osloruta til DAT. Samanlikna med 2024 utgjer dette ein auke på 16.298 personar, eller 44,8 prosent.
Kabinfaktoren på Osloruta var i 2025 på 71,7 prosent. I veke 52 var den heile 86,6 prosent. Til samanlikning var kabinfaktoren i 2024 på 62,2 prosent, skriv Stord lufthavn i ei pressemelding.
DAT flyg i dag 16 rundturar mellom Stord og Oslo per veke på Osloruta med flytypen ATR-42 som har 48 passasjersete.
Årsaka til den store trafikkveksten er at flyruta no er ein del av dei statlege FOT-rutene. Noko som betyr god frekvens på flyruta samt konkurransedyktige billettprisar.
Dagens FOT-rute går fram til oktober 2027. Lufthamnselskapet har alt starta arbeidet med å sikra at flyruta Stord-Oslo også vert inkludert i det neste FOT-rute anbodet.
