Nedgang, men fleire heilt ledige enn i fjor

– Me ser at effekten av kjende permitteringar er i ferd med å minka i april, sjølv om han framleis er der. Særleg ser me dette i Bømlo kommune. I alle høve er talet heilt ledige veldig lågt i Sunnhordland. Særleg om me samanliknar oss med snittet for Vestland eller landet, seier Håvard Lægreid, leiar i NAV region Sunnhordlandleiar i ei pressemelding.

29 heilt ledige i Sveio

I Sveio var det 29 personar heilt utan arbeid i april. Ein mindre enn i mars. 29 personar utgjer 1 prosent av arbeidsstyrken i kommunen. I fjor var det 26 heilt ledige i april.

Snittet for heile Sunnhordland er på 1,1 prosent, som er ein del lågare enn snittet for både Vestland (5.979 personar/1,7 prosent) og heile landet (2,0 prosent).

I Sunnhordland er det i april lågast arbeidsløyse i Stord kommune (0,7 prosent), medan den er høgast i Bømlo (1,9 prosent).

Mange utlyste stillingar

I april var det 529 ledige stillingar registrert hos NAV. Flest stillingar var det innan helse-, pleie– og omsorgsyrka (241) og butikk- og salsarbeid (49).

– Me registrerer på nytt mange utlyste stillingar, og koplar dette til eit høgt tal utlyste sommarjobbar. Det er viktig at ungdommen gjer seg kjent med dei moglegheitene som er i arbeidsmarknaden. Samstundes er me kjent med at fleire verksemder slit med å få tak i kompetansen dei treng, seier Lægreid.