Nedgang i ulovleg laksefiske, men fleire alvorlege lovbrot

— Det er gode nyheiter at utviklinga innan ulovleg fiske av laks har snudd i store delar av landet. Det viser at tiltaka me har iverksett fungerer. Samtidig ser me at det er nødvendig å forsterka innsatsen i enkelte område. I år vil derfor me vera meir til stades i Vestland og Nordland for å slå ned på den ulovlige aktiviteten, seier Ellen Hambro, direktør i Miljødirektoratet.

Feltpersonellet i Statens naturoppsyn (SNO) ser at det er fleire alvorlege brot enn tidlegare. Garnlenkene som brukt er både lengre og har større maskevidde enn tidlegare. Dette er reiskap som er eigna til å fanga store mengder fisk på kort tid.

Enkelte av tilfella SNO har avdekka, kan tyda på at det er økonomisk motivert fiske, skriv Miljødirektoratet i ei pressemelding.

Tips fører til oppklaring

Miljødirektoratet får inn stadig fleire tips om ulovleg fiske frå publikum via tipsløsninga på nett. Hambro oppfordrar alle til å tipsa Miljødirektoratet eller politiet om dei oppdagar mogeleg ulovleg fiske.

– Tipsa me får inn har vore til stor hjelp. Mange av sakene som feltpersonellet vårt har avdekka er på bakgrunn av tips frå publikum. Aukande mengde av tips tyder på at publikum synest det er ugreitt med ulovleg fiske, seier Hambro.

Tre meldt til politiet så langt

SNO starta årets lakseoppsyn før påske, og så langt har dei tatt tre ulovlege garn i Vestland, to garn i Nordland, fire garn i Møre og Romsdal, eitt garn i Rogaland og to garn i Agder. Tre personar er meldt for ulovlig fiske så langt.

I dei tilfella det er mindre alvorlege brot på lakse- og innlandsfiskloven, kan SNO gi gebyr. Det betyr at den som bryt regelverket får eit administrativt gebyr i staden for å bli meldt til politiet. Dermed vil dei mindre alvorlege lovbrota bli handtert på ein rask og effektiv måte. I 2022 ble det ilagt 27 gebyr.