nyhende
Møter i retten måndag tiltalt for drapsforsøk
Vestavind skreiv om tiltalen i mars. Då var ikkje dato sett for rettssaka, som altså startar måndag 3. juni.
Den blir ført ved Haugaland og Sunnhordland tingrett på Stord, og det er planlagt å bruka to dagar på rettssaka.
Politiet rykka i utgangspunktet ut til eit helseoppdrag på Lyngholm påskeaftan i fjor. Då dei kom fram, gjekk tiltalte, ein mann i 30-åra, laus på ein politibetjent med machete og trua med drap. Politimannen hadde verneutstyr og kom frå angrepet fysisk uskadd.
I tillegg til to hovudpunkt som gjeld drapsforsøket, er det tre andre tiltalepunkt som gjeld narkotika, brot på våpenlova og brot på legemiddellova.
