Bli abonnent
Logg inn

nyhende

Politiet har kontroll på ein anteken gjerningsperson etter ei knivstikking på akuttmottaket på Haugesund sjukehus fredag. Hendinga vart kategorisert som ei PLIVO-hending (igangverande livstruande vald). Foto: Jan Kåre Ness / NTB / NPK
Politiet har kontroll på ein anteken gjerningsperson etter ei knivstikking på akuttmottaket på Haugesund sjukehus fredag. Hendinga vart kategorisert som ei PLIVO-hending (igangverande livstruande vald).

Mann alvorleg skadd i knivstikking på Haugesund sjukehus – kvinne pågripen

Politiet har rykt ut til det dei kallar igangverande livstruande vald etter at ein mann er knivstukken og alvorleg skadd på Haugesund sjukehus.

Publisert Sist oppdatert

Det er kontroll på gjerningspersonen, som er ei kvinne i 20-åra. Ho vart pågripen på staden etter få minutt, opplyser Sør-Vest politidistrikt.

Ein mann i 60-åra verkar alvorleg skadd, og får behandling ved traumemottak.

Meldinga kom inn kl. 12.43, og første politipatrulje kom til akuttmottaket fire minutt seinare.

NTBs fotograf på staden fortel at alt er roleg utanfor inngangen til akuttmottaket, men at han kan sjå rørsle innanfor.

Det er tre uniformerte politibilar og tre brannbilar utanfor, i tillegg til eit par ambulansar.

(©NPK)
nyhende
Powered by Labrador CMS