nyhende
Manglar bøsseberar i 9 av 10 krinsar
Sveio sentrum er einaste krinsen der alle roder er dekka. Ingen har meldt seg til å gå i Vandaskog og på Rød. Kunne du tenka deg å gå, meld deg i løpet av laurdag.
Bøssene er no levert ut til krinsleiarane, og det er dei som organiserer rodene i kommunen.
– Me hadde sjølvsagt håpa på å få dekka alle krinsane. No er det berre i Sveio det er nok bøsseberarar. I Vandaskog og på Rød er det så langt ingen som har meldt seg. Me treng også fleire frivillige i dei andre krinsane. Det er ikke for seint å melda seg, men du må gjera det seinast laurdag, seier Guro Røher Eriksen, leiar for Frivilligsentralen.
Her kan du melda deg som bøsseverar
Årets TV-aksjon går til inntekt for Redd Barna. Pengane skal nyttast til å hjelpa barn påverka av krig i seks land, mellom anna Noreg.
I fjor gjekk dei innsamla midlane Legar uten grenser, og på landsbasis blei det samla inn 291.239.904 kroner. I Sveio blei det totalt samla inn 53,68 kroner per innbyggar. Det er eitt øre mindre enn landsgjennomsnittet.
I Vestland fylke gav resultatet 36. plass av 43 kommunar. Nasjonalt blei det 202. plass av 357 kommunar.
