Legg til rette for boss-dugnad i påska

Slettaa Dykkerklubb vil også denne påska setja ut kontainerar som folk kan benytta til påskerydding i strandsona og andre stadar i naturen. Behaldarane vil bli ståande til over påska.

Stader det vil vera kontainerar:

• Valevåg ved ferjekaia
• Auklandshamn ved kommunekaia
• Buavåg ved båthamna
• Våga ved kaia

Ved kontainerane vil det vera både bossekkar og hanskar.

– Om folk går i strendene, langs vegen eller finn boss andre stadar, er det heil OK, seier Lars Einar Hollund, leiar i Slettaa Dykkerklubb.

I fjor blei det samla inn rundt 3-4 tonn på tre kontainarar i kommunen.

– Det er viktig at ein får samla det ein kan, om det er éin eller hundre kilo. Me fekk tilbakemeldingar frå folk som sette pris på å moglegheita til å gjera litt samfunnsnytte, seier Hollund, som håpar at folk er like gira denne våren.