nyhende
Kvar er den verste vegen i Sveio?
8. oktober kåra Opplysningsrådet for veitrafikken (OFV) dei dårlegaste fylkesvegane i Noreg. Blant dei 10 finalistane var det to frå Vestland. Ingen av dei i Sveio. No treng Vestavind lesarane si hjelp.
Me oppfordrar lesarane til å nominera dårlege vegar i Sveio, anten det er fylkesveg, kommunal veg eller europaveg. Alle vegar er med i konkurransen så lenge dei ligg innanfor kommunegrensa.
Kort grunngiving
Send oss gjerne eit bilde i tillegg til ei kort grunngiving for kvifor du meiner dette er den dårlegaste vegen. Dersom det ligg ei historie bak forslaget, vil me gjerne høyra den også.
«Vinnaren» blir vegen som får flest nominasjonar. Fristen for å senda inn forslag er 14. november.
Me trekker ut ein av innsendarane som får ei Sveio-flaske. Alle som sender forslag, er automatisk med i trekninga.
Forslaga kan sendast til: tips@vestavind-sveio.no
Eller du kan kommentere i kommentarfeltet på Facebook-saka.
Dei nasjonalt nominerte vegane
Her er dei nasjonale finalistane, og øvst vinnaren frå OFV si kåring.
Akershus: Fv. 33 Feiring
Østfold: Fv. 1178 Gunnarstorp–Karlsøy
Innlandet: Fv. 2434 Vest–Torprunden
Innlandet: Fv. 2158 Valmen–Sjøenden
Vestland: Fv. 49 Steinsdalen–Eikedalen
Vestland: Fv. 615 Storebru–Sandane
Trøndelag: Fv. 776 Hofles–Romstad
Trøndelag/Nordland: Fv. 17 Kystriksveien Asp–Lødingen
Troms: Fv. 7768 Tromvik–Henriksvik
Finnmark: Fv. 8850 Hesseng–Nyrud
