Les Vestavind GRATIS fram til vår nye abonnementsløysing er på plass!
nyhende
Kraftig høgrevind over Vestland
Med 22,8 prosent av røystene og 15 representantar i fylkestinget, er Høgre også den store valvinnaren i Vestland. Folkets Parti (tidlegare Bompengepartiet) mistar alle sine 6 plassar i fylkestinget.
Høgre si fylkestingsgruppe aukar frå 12 til 15, medan Arbeidarpartiet på andreplass mistar to mandat og endar på 12. Det tilsvarar ein nedgang på 2,5 prosentpoeng.
Utanom Folkets Parti er det fylkesordførar Jon Askeland (Sp) sitt parti som har hatt den største prosentvise nedgangen, 4,8 prosentpoeng. Det medfører at fylkestingsgruppa til Sp er redusert frå 10 til 7 representantar.
Godt val for Frp
I tillegg til Høgre har Framstegspartiet gjort eit godt val i Vestland og auka talet på fylkestingsrepresentantar frå 6 til 9. Nykomaren Industri- og næringspartiet har sikra seg 4 representantar og 6,1 prosent av røystene.
Annonse
For resten av partia som får plass i det nye fylkestinget, ser mandatfordelinga slik ut:
Sosialistisk Venstreparti 5 (+1), Kristelig Folkeparti 3 (som før), Venstre 3 (+1) og Miljøpartiet Dei Grøne 3 (–2) representantar.
Ingen sveibuar
Ingen sveibuar får plass i det nye fylkestinget. Nærast er Ruth G. Ø. Eriksen, som står på 16. plass på Frp si liste.
Annonse
Andre sveibuar på fylkestingslistene er Line Remøy Bertelsen på 56. plass på Ap si liste, Lars Einar Hollund på 34. plass på Høgre si liste, Jarle Jacobsen på 19. plass på KrF si liste og Anne Vierdal på 42. plass på den same lista, og Ellen Urheim Tveit på 30. plass på MDG si liste.
Valresultata som er presentert her, er basert på oppteljingsresultatet slik det låg føre ved 10.00-tida tysdag føremiddag. Då var grovteljinga unnagjort for 97,7 prosent av røystene, medan finteljinga var ferdig for 23,1 prosent. Valdeltakinga ved fylkestingsvalet låg an til å bli på 59,6 prosent.
