nyhende
Klare for VM i Liverpool
Sveio Drill er i desse dagar i heimbyen til The Beatles for å delta i eit verdsmeisterskap.
Dei har hatt det travelt dei siste månadane i Sveio Drill. Eit nasjonalt meisterskap før sommaren, eit europameisterskap i haust, og no eit verdsmeisterskap.
International Baton Twirling Federation (IBTF) held sitt årlege meisterskap i Liverpool. Den 4. august byrja konkurransane for yngre deltakarar, og Sveio Drill har vore på plass sidan måndag 7. august i førebuing.
Trente utandørs
Tysdag hadde dei nokre oppvarmingsøkter utandørs, kor forbipasserande og andre drillutøvarar fekk sjå sveibuane trena.
Seinare på kvelden vart det fest med dei andre deltakarane, i eit selskap i regi av verdsmeisterskapet.
I dag, onsdag, byrjar deira del av meisterskapet, kor dei skal tevla mot lag i frå heile verda.
Første konkurranse i dag
Først ut er greina «Flagg Team Junior», kor tevlinga finn stad tidleg ettermiddag norsk tid klokka 14.20.
Interesserte kan følgja Sveio Drill på det sosiale mediet Instagram, kor dei kjem til å oppdatera korleis det går. Der heiter dei «Sveiodrill».
Det er også mogeleg å sjå direktesending frå IBTF si strømming av meisterskapet. Det gjer du ved å trykkja her.
