NPK: Omsetningsrådet tilbyr bønder som driv med egg, store summar for å stoppa produksjonen. Om bonden oppfyller spesifikke kriterium, kan tilskotet bli på over 850.000 kroner.
Det blir produsert for mykje egg, og bønder opplever prispress. No prøver Omsetningsrådet å betra marknadsbalansen. I byte mot å stogga eggproduksjonen i minst eitt år, kan bønder få tilbod om 115 kroner per høne. Det skriv Nationen.
– Me meiner det er eit realt nivå å tilby dei som deltek. Bøndene må få kompensasjon for å dekka faste kostnader i tillegg til kompensasjonen for å avstå frå inntekter til produksjon. Me meiner det bør ligga på det nivået, seier direktør i Nortura totalmarknad Ole Nikolai Skulberg.
Det er marknadsregulering på egg, og denne betalar bøndene for i form av ei omsetningsavgift. Bønder med minst 1000 verpehøns kan delta, og ordninga skal bidra til at 1500 tonn egg blir tekne ut av marknaden.
Etter å ha sett produksjonen på pause eit år, må bonden starta opp att leveringa minst åtte månader i etterkant. Bøndene har heller ikkje høve til å bygga ut under opphaldsperioden.
– Dette er første gong me gjennomfører dette. Forslaget kom frå oss. Me meiner dette er eit godt mellombels tiltak i dagens situasjon for å betra marknadsbalansen for 2023, seier Skulberg.
Ein får midlar etter første mann til mølla-prinsippet.
(©NPK)
NPK: Omsetningsrådet tilbyr bønder som driv med egg, store summar for å stoppa produksjonen. Om bonden oppfyller spesifikke kriterium, kan tilskotet bli på over 850.000 kroner.
Det blir produsert for mykje egg, og bønder opplever prispress. No prøver Omsetningsrådet å betra marknadsbalansen. I byte mot å stogga eggproduksjonen i minst eitt år, kan bønder få tilbod om 115 kroner per høne. Det skriv Nationen.
– Me meiner det er eit realt nivå å tilby dei som deltek. Bøndene må få kompensasjon for å dekka faste kostnader i tillegg til kompensasjonen for å avstå frå inntekter til produksjon. Me meiner det bør ligga på det nivået, seier direktør i Nortura totalmarknad Ole Nikolai Skulberg.
Det er marknadsregulering på egg, og denne betalar bøndene for i form av ei omsetningsavgift. Bønder med minst 1000 verpehøns kan delta, og ordninga skal bidra til at 1500 tonn egg blir tekne ut av marknaden.
Etter å ha sett produksjonen på pause eit år, må bonden starta opp att leveringa minst åtte månader i etterkant. Bøndene har heller ikkje høve til å bygga ut under opphaldsperioden.
– Dette er første gong me gjennomfører dette. Forslaget kom frå oss. Me meiner dette er eit godt mellombels tiltak i dagens situasjon for å betra marknadsbalansen for 2023, seier Skulberg.
Ein får midlar etter første mann til mølla-prinsippet.
(©NPK)
