nyhende
Innvandring til Noreg tilbake på nivået frå 2019
Totalt var det 55.243 innvandringar til Noreg i fjor, men med mange som drog frå landet òg, vart nettoinnvandringa 24.265. Det er litt lågare enn i 2019.
Det går fram av Statistisk sentralbyrå (SSB) sine siste tal for innvandringa til og utvandringa frå Noreg.
Nettoinnvandringa til Noreg etter pandemien har vore høg, mykje grunna krigen i Ukraina. I fjor var framleis ukrainske statsborgarar største nasjonale innvandringsgruppe til Noreg, med 12.770, men det er langt lågare enn åra før.
Av dei vel 55.200 som innvandra i fjor, var 48.000 utanlandske statsborgarar.
I 2019 var det nær 44.600 utanlandske statsborgarar som innvandra til Noreg.
(©NPK)
