Dersom partane i meklinga for tilsette i vin- og brennevinsbransjen ikkje hadde blitt einige, ville Norsk Nærings- og Nytelsesmiddelarbeiderforbund (NNN) ha tatt ut over 160 medlemmer i Arcus Norway og Vectura i streik.FOTO: NPK
NPK-NTB: Det er semje mellom partane i vin- og brennevinsbransjen, og dermed blir det ingen streik.
NHO Mat og Drikke melde om semja ved midnatt natt til onsdag, som var fristen for meklinga med Norsk Nærings- og Nytelsesmiddelarbeiderforbund (NNN). Den starta måndag.
– Meklinga har vore krevjande, men vi er tilfredse med å ha funne ei løysing, seier Petter Haas Brubakk i NHO Mat og Drikke.
– Det har vore ei krevjande mekling med mykje tekstendringar. Vi har ikkje fått det heilt nøyaktig slik vi ønskte, men vi har komme langt i denne runden og må seie oss fornøgd med resultatet, seier Jarle Wilhelmsen i NNN.
Semja inneber eit generelt tillegg på 4 kroner til alle med verknad frå 1. mai. I tillegg blir minstelønnssatsen/garantilønna auka til 199,78 kroner inklusiv det generelle tillegget. Fagarbeidartillegget blir auka med 2,50 kroner til 10 kroner per time.
Partane er også samde om ein ny tekst om gjennomføring av lokale forhandlingar og eit nytt kapittel om personvern.
NNN hadde på førehand meldt plassoppseiing for over 160 organiserte i Arcus og Vectura.
NPK-NTB: Det er semje mellom partane i vin- og brennevinsbransjen, og dermed blir det ingen streik.
NHO Mat og Drikke melde om semja ved midnatt natt til onsdag, som var fristen for meklinga med Norsk Nærings- og Nytelsesmiddelarbeiderforbund (NNN). Den starta måndag.
– Meklinga har vore krevjande, men vi er tilfredse med å ha funne ei løysing, seier Petter Haas Brubakk i NHO Mat og Drikke.
– Det har vore ei krevjande mekling med mykje tekstendringar. Vi har ikkje fått det heilt nøyaktig slik vi ønskte, men vi har komme langt i denne runden og må seie oss fornøgd med resultatet, seier Jarle Wilhelmsen i NNN.
Semja inneber eit generelt tillegg på 4 kroner til alle med verknad frå 1. mai. I tillegg blir minstelønnssatsen/garantilønna auka til 199,78 kroner inklusiv det generelle tillegget. Fagarbeidartillegget blir auka med 2,50 kroner til 10 kroner per time.
Partane er også samde om ein ny tekst om gjennomføring av lokale forhandlingar og eit nytt kapittel om personvern.
NNN hadde på førehand meldt plassoppseiing for over 160 organiserte i Arcus og Vectura.
