Det kan bli så dyrt å lagre gulrøter gjennom vinteren at bønder vel å la vere å ta dei opp av jorda. MDG foreslår støtte til solceller for å hjelpe bøndene med å redusere straumkostnadene.FOTO: NPK
Ingen planar om å auke straumstøtta til jordbruket
Norske bønder kan tape stort på dyr straum til vinterlagring av gulrøter og andre grønsaker, men regjeringa har ingen planar om auka støtte.
NPK-NTB: – Eg har stor forståing for at situasjonen til enkelte produsentar er svært krevjande. Regjeringa har per i dag ingen planar om endringar i straumstøtta for jordbruks- og veksthusnæringa, men vi jobbar som kjent med ordningar for næringslivet, skriv landbruks- og matminister Sandra Borch (Sp) i ein e-post til NRK.
Bønder som produserer grønsaker som må lagrast gjennom vinteren, bruker tusenvis av kilowattimar på nedkjøling.
– Det er snakk om 45.000 kilowattimar per månad for å kjøle ned gulrota mellom september og mars, seier dagleg leiar i Bru gard, Asbjørn Stokkeland, til rikskringkastaren. Garden er ein av Noregs største gulrotprodusentar.
Bønder får berre straumstøtte for forbruk opp til 20.000 kilowattimar, medan for veksthusnæringa er det ikkje sett noko slikt tak.
MDGs Rasmus Hansson fryktar at grønsaker skal bli pløgde ned i jorda i staden for å bli hausta og lagra. Han har no sendt skriftleg spørsmål til Borch om kva regjeringa vil gjere for å unngå dette.
– Ei openberr løysing er å hjelpe jordbruket med å produsere sin eigen straum. MDG har foreslått at staten skal ta halve rekninga for solcelleanlegg på landbruksbygg. Det kan bidra sterkt til at jordbruket ikkje blir ramma like hardt av høge straumprisar, og dermed betre norsk sjølvforsyning og mattryggleik, skriv Hansson til NTB.
NPK-NTB: – Eg har stor forståing for at situasjonen til enkelte produsentar er svært krevjande. Regjeringa har per i dag ingen planar om endringar i straumstøtta for jordbruks- og veksthusnæringa, men vi jobbar som kjent med ordningar for næringslivet, skriv landbruks- og matminister Sandra Borch (Sp) i ein e-post til NRK.
Bønder som produserer grønsaker som må lagrast gjennom vinteren, bruker tusenvis av kilowattimar på nedkjøling.
– Det er snakk om 45.000 kilowattimar per månad for å kjøle ned gulrota mellom september og mars, seier dagleg leiar i Bru gard, Asbjørn Stokkeland, til rikskringkastaren. Garden er ein av Noregs største gulrotprodusentar.
Bønder får berre straumstøtte for forbruk opp til 20.000 kilowattimar, medan for veksthusnæringa er det ikkje sett noko slikt tak.
MDGs Rasmus Hansson fryktar at grønsaker skal bli pløgde ned i jorda i staden for å bli hausta og lagra. Han har no sendt skriftleg spørsmål til Borch om kva regjeringa vil gjere for å unngå dette.
– Ei openberr løysing er å hjelpe jordbruket med å produsere sin eigen straum. MDG har foreslått at staten skal ta halve rekninga for solcelleanlegg på landbruksbygg. Det kan bidra sterkt til at jordbruket ikkje blir ramma like hardt av høge straumprisar, og dermed betre norsk sjølvforsyning og mattryggleik, skriv Hansson til NTB.
