nyhende
Ikkje naturleg med felles leiing
I vår fekk rådmannen i oppdrag å sjå på moglegheita for å ha ein felles administrasjon inkludert rektor for skulane i Førde, Auklandshamn og Valestrand. No har politikarane konkludert.
Det var eit innspel frå kommunestyret i samband med skulestruktursaka dette kom opp. Rådmannen legg til grunn at kommunen no skal driva fem grunnskular på best mogleg vis.
– Det er no viktig å skapa ro om saka og byggja eit godt fundament for vidare kvalitetsutvikling ved skulane våre.
Rådmannen si klare vurdering er derfor at Sveio kommune skal halda fram med å ha ein rektor for kvar skule.
Dette skriv han m.a. i saka som politikarane har fått: Kvar einskild skuleleiar har ei stor og viktig oppgåve i å leia kollegiet sitt i dette viktige omstillings- og fornyingsarbeidet. Difor må og kvart einskilt lærarkollegium få høve til å konsentrera seg om god utvikling og god dagleg drift avundervisningstilbodet.
I kommunestyremøtet 14. juni tok samtlege folkevalde til etterretning at det vil vera eigen rektor ved skulane i Sveio.
