Høg bruk av digitale helsetenester i Noreg

Bruken har auka kraftig sidan den første årlege undersøkinga i 2019, men har flata ut i løpet av 2025 samanlikna med året før.

– Vi skal ha dei mest digitaliserte helsetenestene i verda. At seks av ti nordmenn har nytta digitale helsetenester det siste året er eit godt utgangspunkt. Jobben vår er å nå ut til endå fleire og gjere bruken enkel og nyttig, seier helse- og omsorgsminister Jan Christian Vestre (Ap) i ei pressemelding.

Undersøkinga viser at 13 prosent har vorte oppmoda av helsetenesta til å bruke appar og andre digitale sjølvhjelpsverktøy som del av behandlinga. Dessutan meiner sju av ti at det er greitt å ha digital kontakt med ein annan lege dersom deira eigen fastlege ikkje er tilgjengeleg.

Undersøkinga er gjennomført blant 1590 respondentar over 16 år.

(©NPK)