nyhende
Her rann pengane inn i statskassa
Utrykkingspolitiet er ofte å sjå på E39 i Sveio, utan at det ser ut til å skremma trafikantane frå å trø fort hardt på gasspedalen.
Torsdag kveld sikta dei uniformskledde laseren sin inn på køyretøya som kom på europavegen mellom klokka 18 og 21.30. Og i løpet av dei tre og ein halv timane var det heile 23 sjåførar som fekk kjenne på dei nye og auka gebyrtakstane for å køyre for fort.
Den kjappaste var ein sjåfør som fant det passande å halde 80 kilometer i timen i 60-sona på staden, noko som kvalifiserer til ei bot på 7.800 kroner, i tillegg blir førarkortet «pynt» med tre prikkar.
Det er Sør-Vest politidistrikt som melder om UP-fangsten i Sveio på Twitter.
