Halvparten handlar færre daglegvarer på grunn av høge prisar

Det viser ei fersk spørjeundersøking gjennomført av Opinions samfunnsmonitor.

Heile åtte av ti (83 prosent) svarar at dei er meir klar over pris når dei vel daglegvarer dei kjøper i butikk no samanlikna med for eitt år sidan.

Løn spelar inn

Medan 47 prosent svarer at dei i dag handlar færre varer enn for eitt år sidan, svarer 47 prosent at dei ikkje handlar færre no. Dei resterande 6 prosentane svarer at dei ikkje veit.

Nær seks av ti (56 prosent) av folk som tener under 500.000 kroner, oppgir at dei i dag handlar færre varer.

Handlar på tilbod

Seks av ti (63 prosent) oppgir også at dei i større grad handlar billige varer no enn for eitt år sidan. Andelen her er større blant folk som tener under 500.000 kroner i året, med ein andel på sju av ti.

— Tidlegare snakka vi om at lokalitet var det avgjerande for kvar folk handla, men no ser vi eit skifte der folk har vorte villig til å reise til andre butikkar for å handle spesifikke tilbodsvarer. Heile fire av ti dreg i større grad til andre butikkar for å handle tilbodsvarer, seier Tove Botnen, som er ansvarleg for Opinions samfunnsmonitor