nyhende
Hadde vel to oppdrag i veka i 2023
Enten det er brann, alvorlege ulykker eller kattar som treng hjelp, så er brannvesenet klare til å bistå. I 2023 rykka stasjonane i Sveio og Førde ut til 121 lokale hendingar og bisto andre stasjonar eller distrikt sju gonger.
Det gir i snitt om lag 2,5 hendingar i veka. I Haugland brann og redning IKS (HBR) sitt område var det fire stasjonar på Karmøy og Aksdal i Tysvær som hadde det travlast i 2023. Sveio med 64 hendingar (+ 7 bistand) og Førde med 57 kjem som nummer 6. og 7. blant totalt 15 stasjonar.
24 oppdrag var knytt til helse, sjå anna saka om dette. Kategorien som utløyste flest utrykkingar, var automatiske brannalarmer. 37 slike oppdrag rykka Sveio og Førde ut på.
Trafikkulykker og brann
Med både E39 gjennom kommunen og til dels utfordrande fylkesvegar, er det ikkje uventa at trafikkulykker er blant hendingane det er flest av. 24 ulykker blei loggført i 2023. I 20 av ulykkene var det personbilar involvert, i tre ulykker motorsykkel og ei ulykke med personbil og lastebil. I 18 av ulykkene var det skade på person.
Brann er delt inn i anna, bygning, skorstein, terreng og brannhindrande. Her vart det mellom anna rykka ut til tunnel, hus, hytte, personbil, institusjon og skule/barnehage. Til saman 15 oppdrag, og ingen kom til skade.
Brannvesenet rykka også ut for berga verdiar (4 oppdrag), til hendingar i vatn (1), restverdiredning og forureining (3).
Dyreoppdrag
Dyreoppdrag var det også nokre av i HBR-området. Det blei redda 5 kattar, 2 ugler, 2 svaner, 3 kviger og ein vær.
I Sveio bidrog katten Alfred til 2023-statistikken. Han stakk av frå feriekolonien Leitevegen, var vekke i fleire dagar, og vart til slutt heist opp frå skårfestet i fjellveggen ved skolageret til Mani. Ein redningsoperasjon uført i godt samarbeid med ein klatrar.
