nyhende
inviterer til ope, digital innspelsmøte:
Fylkesordføraren ønskjer innspel til Regional transportplan (RTP) for Vestland fylke
Ein trygg, berekraftig og nyskapande transportsektor i heile Vestland – dette vil fylkeskommunen sikra gjennom Regional transportplan 2022-2033. RTP er den langsiktige planen for utvikling av samferdslesektoren i Vestland fylke.
Den første regionale transportplanen for Vestland fylke, RTP 2022-2033, blir vedtatt i fylkestinget i desember 2021. Du kan påverke planen gjennom offentlege innspelsmøte og høyringsrundar, skriv Vestland fylkeskommune.
Fylkesordførar Jon Askeland inviterer til tre opne innspelsmøte om RTP 2022-2033 i fylket i februar. RTP skal setta ei tydeleg retning for arbeidet med transport i fylket. På innspelsmøta vil fylkesordføraren presentera dei overordna måla for planen.
– Me ønskjer tilbakemeldingar på korleis me i størst grad kan nå måla i fellesskap, skriv fylkeskommunen. Innspelsmøte for Sunnhordaland og Hardanger blir kommande onsdag, 3. februar på dagtid.
