Funn av daud fugl i Sveio

Det er stadfesta at fuglane har fugleinfluensa, og mange av dei skal ha drege smitten med seg frå smitteutbrot i Skottland.

Kommunen oppmodar om å melda ifrå til Mattilsynet dersom ein kjem over daud fugl. Viss Mattilsynet ynskjer å testa fuglekadaveret for influensa, kan kommunen hjelpa ein med å henta fuglen eller gjeva informasjon om korleis ein sjølv kan fjerna han.

Funn av daude fuglar kan òg meldast til kommunen over e-post, opplyser Sveio kommune på nettstaden sin.

I område der det ferdast mykje folk eller ligg fleire daude fuglar, stiller kommunen seg disponibel for utrykking.