Første koronadødsfall i Sveio

Det er Sveio kommune som melder om dødsfallet på si nettside. Det er det første korona-relaterte dødsfallet i kommunen.

Det er ein eldre person som er død, vedkommande var smitta av covid-19 og hadde underliggande sjukdom.

Den døde var bebuar ved Sveio omsorgssenter. Det er tidlegare kjent at to tilsette og ein bebuar ved omsorgssenter har vore koronasmitta.

— Dødsfallet har ikkje samanheng med den tidlegare smittesituasjonen ved omsorgssenteret, opplyser kommunalsjef for helse og omsorg, Ingunn Toft til Vestavind.