Statens vegvesen foreslår fleire tiltak for å få folk tilbake til kollektivtrafikken, mellom anna kutt i elbilfordelar og skatt på gratis jobb-parkering.
NPK-NTB: – Vi må få folk tilbake til kollektivtransporten. Regjeringa held fast ved målet om at trafikkveksten skal skje gjennom kollektiv, sykkel og gonge, seier samferdselsminister Jon-Ivar Nygård i ei pressemelding.
Etter to år med koronarestriksjonar er biltrafikken stort sett tilbake til normalen med 95,6 prosent av trafikkmengda samanlikna med trafikkbiletet i 2019. I kollektivtrafikken har ein 67,1 prosent av trafikkmengda i forhold til i 2019.
Samferdselsministeren har derfor bede ei ekspertgruppe i Statens vegvesen om å foreslå tiltak for å få fleire til å reise kollektivt.
– Rettare signal
På kort sikt foreslår arbeidsgruppa mellom anna å innføre nye billettkonsept, noko som allereie er sett i gang enkelte stader.
Arbeidsgruppa rår også regjeringa til å sjå på moglegheitene for haldningskampanjar, billigare kollektivbillettar og å gjere det dyrare og mindre fordelaktig å bruke bil og elbil.
– Å redusere fordelane for bruk av elbil i og i nærleiken av byområde, særleg i bomringar, i kollektivfelt og for parkering i byar. Slik får desse bilistane rettare signal om kostnadene ved bruk av vegkapasitet, skriv arbeidsgruppa i eit brev til departementet.
– Må stå på eigne bein
Gruppa foreslår også å skattleggje fordelen for folk som får gratis parkering ved arbeidsplassen.
På lengre sikt meiner arbeidsgruppa at ein må sjå på kollektivtransporten under eitt og gjere det enklare å velje kollektivt framfor bil.
– Staten har allereie bidrege med store ekstraløyvingar for å halde hjula i gang i kollektivtransporten. No må vi sørgje for at selskapa står på eigne bein, seier samferdselsministeren.
NPK-NTB: – Vi må få folk tilbake til kollektivtransporten. Regjeringa held fast ved målet om at trafikkveksten skal skje gjennom kollektiv, sykkel og gonge, seier samferdselsminister Jon-Ivar Nygård i ei pressemelding.
Etter to år med koronarestriksjonar er biltrafikken stort sett tilbake til normalen med 95,6 prosent av trafikkmengda samanlikna med trafikkbiletet i 2019. I kollektivtrafikken har ein 67,1 prosent av trafikkmengda i forhold til i 2019.
Samferdselsministeren har derfor bede ei ekspertgruppe i Statens vegvesen om å foreslå tiltak for å få fleire til å reise kollektivt.
– Rettare signal
På kort sikt foreslår arbeidsgruppa mellom anna å innføre nye billettkonsept, noko som allereie er sett i gang enkelte stader.
Arbeidsgruppa rår også regjeringa til å sjå på moglegheitene for haldningskampanjar, billigare kollektivbillettar og å gjere det dyrare og mindre fordelaktig å bruke bil og elbil.
– Å redusere fordelane for bruk av elbil i og i nærleiken av byområde, særleg i bomringar, i kollektivfelt og for parkering i byar. Slik får desse bilistane rettare signal om kostnadene ved bruk av vegkapasitet, skriv arbeidsgruppa i eit brev til departementet.
– Må stå på eigne bein
Gruppa foreslår også å skattleggje fordelen for folk som får gratis parkering ved arbeidsplassen.
På lengre sikt meiner arbeidsgruppa at ein må sjå på kollektivtransporten under eitt og gjere det enklare å velje kollektivt framfor bil.
– Staten har allereie bidrege med store ekstraløyvingar for å halde hjula i gang i kollektivtransporten. No må vi sørgje for at selskapa står på eigne bein, seier samferdselsministeren.
