nyhende
Flokehyttene på topp for femte år på rad
Kvart år måler DNT kva hytter og turar som har flest sidevisningar på nettet. Flokehyttene på Ryvarden har vore mest populære i fem år no.
Dronningstien i Hardanger tronar øvst på mest populære tur for tredje året på rad. Vestlandet er godt representert på topplistene. Særleg på hyttelista med fem av dei ti mest populære hyttene.
Skåpet-hyttene i Ryfylke er ikkje så ulike Flokehyttene, og hamna på 3. plass i år. Preikestolen er også inne på topplista for turforslag.
Topplistene på UT baserer seg på sidevisninger fra 1. januar 2025 til 23. desember.
Skryt av dei frivillige
– Det er utruleg kjekt at så mange er inne på nett og ser på hyttene, men enno kjekkare at så mange faktisk brukar dette fantastiske tilbodet. At Flokehyttene er ganske lett tilgjengeleg gjer dei veldig populære, og så vil eg skryta av dei frivillige der ute som ser til hyttene og gir god service, seier ordførar André Mundal Haukås.
Han fortel også at næraste nabo til hyttene, Ryvarden kulturfyr, har hatt bra belegg på sitt overnattingstilbod.
Stor variasjon
– Det er morosamt å sjå breidda i turer og hytter folk søker etter. Frå moderne hytter som er litt lettare tilgjengeleg til klassiske DNT-hytter i fjellet. Og i turane er det stor variasjon i kor vanskelege dei er, sier Veronica Solbak, redaktør for UT i DNT.
Det er ikkje berre kjente turar i fjellheimen på årets toppliste. Rundtur over hengebrua ved Bjørnsjøhelvete i Nordmarka er ny på lista på en 8. plass. Denne turen skil seg litt ut frå dei andre på lista ved å vera en lettgått tur i Oslomarka.
Fleire brukar UT-appen
Dei siste åra har UT hatt ein auke på nett, og i 2025 har også UT-appen hatt ein brukarauke på over 10 prosent.
– UT-appen har nyttige funksjonar alle, uansett om du skal på ein krevjande vintertur eller på tur i nærmiljøet. Kartet som viser kor bratt det er i skredterreng og utløpssoner når du går topptur på ski, mens dei som vil finna ein kort tur til ein bålplass i nærmiljøet kan bruka appen til det, seier Solbak.
Hun understrekar at UT er eit viktig verktøy både for å kanalisera ferdsel til område som tåler det og gi besøkande viktig informasjon om sårbar natur og dyreliv i områda dei ferdast i.
