nyhende
Fleire førerkortbeslag og færre ruskøyrarar
UP-patruljane på Haugalandet og i Sunnhordland hadde nok å gjera i fjor. Det blir ikkje ført statistikk for Sveio, så tala er frå heile distriktet.
Her er 2024-tala med 2023 i parantes:
- 21.671 rustesta førarar av lette køyretøy (23.062)
- 979 rustesta førarar av tunge køyretøy (1.083)
- 4.540 køyrde for fort (4.433)
- Av desse fekk 267 førarkortet beslaglagt (159)
- 63 anmeldt for ruspåvirka køyring (102)
- 550 brot på føresegnene for farleg åtferd (602)
- Av desse var det 389 reaksjonar mot ulovleg bruk av mobiltelefon under køyring (363)
Auke og nedgang
– Det er ganske like tal som året før, men det har vore ein auke i førerkortbeslag og ein nedgang i antal personar meldt for ruskøyring. Det kan ikkje peikast på nokon spesiell grunn til at dette har skjedd, men det likt for heile UP-distriktet, seier Terje Oksnes, distriktsleiar for UP-distrikt 3 Vest.
Å få ut tal for Sveio er ikkje mogeleg, då det er for lokalt til at det blir registrert i statikken.
Oftare i Førde
– Tidlegare var det rimeleg ofte kontrollar på Haukås. No ser det ut som Førde er ny «hot spot» i Sveio. Stemmer det, og kva er i så fall grunnen?
– Det er riktig at det var fleire kontrollar på E39 Førde enn E39 Haukås i fjor, men eg trur nok det kjem litt an på tilfeldigheiter, seier Oksnes.
