Fire testa positivt for korona i Sveio sist veke.
- Personar 0-18 år: 1
- Personar 18-25 år: 3
– Dei positive prøvane har ikkje gitt driftsutfordringar for kommunale tenester, seier kommunalsjef for helse og omsorg, Ingunn Toft, og viser til høgt smittetrykk nasjonalt og regionalt.
– Sveio følgjer utviklinga tett. Det er stort fokus på vaksinasjon av innbyggjarane no, inkludert unge fødd i 2004 og 2005, samt på TISK-arbeid, seier Toft. TISK står for testing, isolasjon, smittesporing og karantene.
Vaksineringa av 16- og 17-åringar starta i sist veke. Rundt 45 har starta vaksineprogrammet, men det gjenstår enda rundt 130 unge.
– Me har sett opp 30 til vaksinering torsdag denne veka, men har invitert til drop-in, me håpar mange kjem, då dette er særs viktig med omsyn til gjenopning av samfunnet, seier Toft.
