Filadelfia klar for nye gudstenester digitalt

Pinsemenigheten Filadelfia i Auklandshamn vil senda digitale gudstenester på Facebook og YouTube både 10. og 17. januar.

– Dersom forbodet mot å samlast fysisk blir forlenga ut over 18. januar, vil Filadelfia halda fram med digitale sendingar. Det provisoriske «studioet» er rigga opp igjen, opptaka til det første programmet blir gjort i løpet av dei næraste dagane, opplyser Einar Vestvik, leiar i Filadelfia.

Som følgje av korona-pandemien testa menigheita ut konseptet med digitale gudstenester i perioden frå perioden mars til midten av juni i fjor.

– Dette tiltaket blei godt motteke, fortel Vestvik.