Fem grep for å auke sjølvforsyning

I dag er Noregs sjølvforsyningsgrad på rundt 40 prosent.

Planen til Noregs Bondelag omfattar fem konkrete grep som skal til for å nå målet om 50 prosent sjølvforsyning.

— Planen viser at det faktisk er mogleg, og at vi kan få det til gjennom aktiv jobbing og gode prioriteringar framover, påpeikar Bjørn Gimming, leiar i Noregs Bondelag.

Dette er dei fem grepa Noregs Bondelag har lansert i handlingsplanen:

• Inntekta til bonden må opp, da inntektsnivået i jordbruket er lågt.
• Importvernet må styrkjast fordi det er viktig for å sikre norsk, trygg mat produsert over heile landet.
• Meir norskprodusert mat og mindre import, sidan importkvotar og utilstrekkeleg tollvern no gjer at vi ikkje utnyttar potensialet for norskproduserte varer.
• Meir norskprodusert fôrråvare, da meir og betre grovfôr kan redusere kraftfôrforbruket og dermed auke norskdelen i fôrrasjonen.
• Kosthald i tråd med norske ressursar og fokus på handlekorga til forbrukarar, sidan dei vala forbrukaren tek i butikken er førande for norsk matproduksjon.