NPK-NTB: Færre nordmenn er medlemmer av Den norske kyrkja, og færre blir døypte, konfirmerte og går til gudsteneste. Medlemstala i andre trus- og livssynssamfunn aukar.
Talet på medlemmer i Den norske kyrkja har gått ned kvart år sidan 2011 og låg i 2020 på om lag 3,7 millionar, viser tal frå Statistisk sentralbyrå (SSB).
Det er over 280.000 færre medlemmer enn i 2005, og delen har gått ned frå 85 til 72 prosent mellom 1994 og 2016.
Dåp og konfirmasjon
Talet på nyfødde som er døypte i Kyrkja, har gått ned jamt frå åtte av ti i 2001 til under halvparten i 2020, medan andelen 15-åringar som konfirmerer seg i Kyrkja, sidan 2007 har gått ned frå 70 prosent til rundt 50 prosent.
I trus- og livssynssamfunn utanfor Den norske kyrkja har medlemsstala stige frå 384.000 medlemmer i 2006 til 697.000 medlemmer i 2020. Andelen av befolkninga som er medlemmer i andre trussamfunn enn Kyrkja, har dermed stige frå 8 til 13 prosent.
– Dette kan ha samanheng med ein auke i andelen av befolkninga som er innvandrarar, som i same periode auka frå 7 til 15 prosent av befolkninga, skriv SSB.
Talet på medlemmer har gått litt ned i 2021 til 680.000 medlemmer.
10.000 færre gudstenester
Færre deltek dessutan på gudstenester. Frå 6,7 millionar gudstenestedeltakingar i 2005 har talet gått ned kvart år til 5,2 millionar i 2019.
Også talet på gudstenester har hatt ein jamn nedgang, frå 70.100 gudstenester i 2005 til 60.200 i 2019.
NPK-NTB: Færre nordmenn er medlemmer av Den norske kyrkja, og færre blir døypte, konfirmerte og går til gudsteneste. Medlemstala i andre trus- og livssynssamfunn aukar.
Talet på medlemmer i Den norske kyrkja har gått ned kvart år sidan 2011 og låg i 2020 på om lag 3,7 millionar, viser tal frå Statistisk sentralbyrå (SSB).
Det er over 280.000 færre medlemmer enn i 2005, og delen har gått ned frå 85 til 72 prosent mellom 1994 og 2016.
Dåp og konfirmasjon
Talet på nyfødde som er døypte i Kyrkja, har gått ned jamt frå åtte av ti i 2001 til under halvparten i 2020, medan andelen 15-åringar som konfirmerer seg i Kyrkja, sidan 2007 har gått ned frå 70 prosent til rundt 50 prosent.
I trus- og livssynssamfunn utanfor Den norske kyrkja har medlemsstala stige frå 384.000 medlemmer i 2006 til 697.000 medlemmer i 2020. Andelen av befolkninga som er medlemmer i andre trussamfunn enn Kyrkja, har dermed stige frå 8 til 13 prosent.
– Dette kan ha samanheng med ein auke i andelen av befolkninga som er innvandrarar, som i same periode auka frå 7 til 15 prosent av befolkninga, skriv SSB.
Talet på medlemmer har gått litt ned i 2021 til 680.000 medlemmer.
10.000 færre gudstenester
Færre deltek dessutan på gudstenester. Frå 6,7 millionar gudstenestedeltakingar i 2005 har talet gått ned kvart år til 5,2 millionar i 2019.
Også talet på gudstenester har hatt ein jamn nedgang, frå 70.100 gudstenester i 2005 til 60.200 i 2019.
