Eitt trafikkuhell i to fylke

Klokka 03.23 natt til sundag mista ein sjåfør kontrollen over bilen sin sør i Sveio.

Fekk sleng på bilen

Køyretøyet fekk sleng og hamna i autovernet.

Hendinga skjedde i praksis midt på fylkesgrensa mellom Rogaland og Vestland, og nokre titals meter sør for krysset fylkesveg 47/Halseidvegen.

Han skal ha mista kontroll over bilen i venstrekurven like sør for fylkesgrensa, fått sleng på bilen, passert fylkesgrensa, og smalt inn i autovernet på Vestland-sida.

Varsla sjølv

Sjåføren er ein mann i 30-åra.

— Han varsla sjølv frå til politiet om hendinga. Det er ikkje meldt om personskade, men autovernet fekk skadar, opplyser vaktsjef Trond Friberg ved Haugesund politistasjon.

Det skal ha vore glatt på staden. Politiet har ikkje oppretta sak.