Slik såg det ut då det nye varslingssystemet for mobiltelefonar blei testa 14. juni. Men mange fekk ikkje meldinga.FOTO: OLE BERG RUSTEN / NTB / NPK
Ein av fire kan ikkje få naudvarsel på mobil
Opp mot kvar fjerde nordmann har mobiltelefonar som ikkje støttar naudvarselet, ifølgje Direktoratet for samfunnstryggleik og beredskap (DSB).
NPK-NTB NPK-NTB
PublisertSist oppdatert
– Nasjonal kommunikasjonsmyndigheit anslår at 75 til 80 prosent av befolkninga har mobiltelefon med støtte for naudvarselet, seier seniorrådgivar Kristine E. Utheim i DSB til nettstaden kode24.
Dermed kan så mange som kvar fjerde nordmann ha problem med å få varselet på telefonen sin.
Testa sist veke
Naudvarslinga på mobil vart testa onsdag 14. juni.
– Eitt av måla med å teste nasjonalt var å gjere befolkninga kjende med naudvarselet. Vi håpar no at mange tek ein ekstra titt på mobilen sin for å sjå om dei treng å installere ei oppdatering for å vere sikre på å kunne få varsel i framtida, seier Utheim.
Ifølgje ein gjennomgang frå kode24 kan opp mot 35 prosent av norske iphone-brukarar og heile 61 prosent av Android-brukarar ha for gamle operativsystem til å kunne få varselet på mobilen.
Varslar om alvorlege hendingar
Nettstaden viser til statistikk frå webanalytikarsida statcounter.com.
Tala er frå mai og inkluderer Android-nettbrett og iPad-ar. Tala berre for mobiltelefonar kan dermed vere noko betre.
Naudvarselet på mobil er eit supplement til Sivilforsvarets sireneanlegg. Det skal brukast for å varsle om hendingar som ekstremvêr som truar liv og helse, terrorangrep, krig, eller radioaktivt utslepp.
– Nasjonal kommunikasjonsmyndigheit anslår at 75 til 80 prosent av befolkninga har mobiltelefon med støtte for naudvarselet, seier seniorrådgivar Kristine E. Utheim i DSB til nettstaden kode24.
Dermed kan så mange som kvar fjerde nordmann ha problem med å få varselet på telefonen sin.
Testa sist veke
Naudvarslinga på mobil vart testa onsdag 14. juni.
– Eitt av måla med å teste nasjonalt var å gjere befolkninga kjende med naudvarselet. Vi håpar no at mange tek ein ekstra titt på mobilen sin for å sjå om dei treng å installere ei oppdatering for å vere sikre på å kunne få varsel i framtida, seier Utheim.
Ifølgje ein gjennomgang frå kode24 kan opp mot 35 prosent av norske iphone-brukarar og heile 61 prosent av Android-brukarar ha for gamle operativsystem til å kunne få varselet på mobilen.
Varslar om alvorlege hendingar
Nettstaden viser til statistikk frå webanalytikarsida statcounter.com.
Tala er frå mai og inkluderer Android-nettbrett og iPad-ar. Tala berre for mobiltelefonar kan dermed vere noko betre.
Naudvarselet på mobil er eit supplement til Sivilforsvarets sireneanlegg. Det skal brukast for å varsle om hendingar som ekstremvêr som truar liv og helse, terrorangrep, krig, eller radioaktivt utslepp.
