— Eg synest det er veldig kjekt at ungdomslaget har starta opp igjen

— Kva gjer du til dagleg?

— Eg er lærar for første klasse på Førde skule, og driv ein gard.

— Kva er det beste med å vere sveibu?

— Det er mykje fin natur som me kan bruka. Eg er glad i dei fine turmogelegheitene me har i Førde.

— Er det noko du saknar i Sveio?

— Nei, eigentleg ikkje.

— Kva er ditt beste Sveio-minne?

— Det var første gong eg kom til Førde. Eg var veldig glad i naturen. Eg kjem frå innerst i Matrefjorden, og i Førde var det liknande landskap, men også flotte svaberg.

— Kven i Sveio vil du framsnakke, og kvifor?

— Eg vil framsnakke alle dei som driv med frivillig arbeid. Til dømes i korps, dei som jobbar med ungdomslag og aktivitetar for ungar. Eg synest det er veldig kjekt at ungdomslaget har starta opp igjen. Eg set pris på alt der ungar får aktivitetar.