– Eg saknar butikken i Auklandshamn

– Eg er rektor på Auklandshamn skule. Det trivest eg godt med, saman med kjekke elevar og tilsette.

– Kva er det beste med å vera sveibu?

– Det er å bu på bygda, men samstundes sentralt. Me har kort veg både til Haugesund og Stord.

– Er det noko du saknar i Sveio?

– Eg saknar nærbutikken her i Auklandshamn. Særleg fordi eg har arbeidsplassen min her i bygda, merkar eg godt i det daglege at me ikkje lenger har butikk her. Eg vil også sakna barnehagen på Bua dersom den blir nedlagd.

– Kva er ditt beste Sveio-minne?

– Det må vera oppveksten i Førde og åra på Førde skule. Og somrane på Fagerland. Det var ei fin tid.

–  Kven i Sveio vil du framsnakka, og kvifor?

– Eg vil framsnakka alle elevar, foreldre og tilsette ved Auklandshamn skule.