Drakk minst ti øl på hytte i Sveio før han køyrde heim

Det var ein kveld i juli i fjor at ein mann i 20-åra vart stansa av politiet etter ein køyretur på 25-30 minuttar, frå ei hytte i Sveio til mannen sin heimstad i ein annan kommune på Haugalandet.

Det vart tatt blodprøve av mannen klokka 5 om morgonen. Den viste ein alkoholkonsentrasjon på 2,02 i promille.

Han forklarte i Haugaland og Sunnhordland tingrett at han forut for køyringa hadde krangla med sin eks-kjæraste på hytta han var på, og at han ville vekk derfrå. Han anslo at han drukke minst 10 av til saman 12 halvlitrar øl han hadde med seg på hytta.

I ein tilståingsdom har tingretten dømt mannen til fengsel i 30 dagar på vilkår, med ei prøvetid på to år.

Vilkåret er at han må gjennomføre eit program mot ruspåverka køyring med bil. Han er også idømt ei bot på 62.000 kroner, subsidiært 15 dagar i fengsel.

Mannen har vedtatt dommen.