nyhende
Dette irriterer nordmenn seg mest over på ferie
Dei aller fleste nordmenn opplever irritasjon under ferien. Berre ein av fem kjenner seg irritasjonsfrie.
– At nordmenn går oppå kvarandre i ferien og at parforhold går i oppløysing når vi kjem heim må vere ein myte. Partnaren er det vi irriterer oss minst over, seier Marius Solberg Anfinsen, fungerande kommunikasjonssjef i Frende Forsikring, i ei pressemelding.
Det kjem fram i ei uhøgtideleg undersøking gjort av Norstat på vegner av Frende Forsikring.
4 av 5 blir ferieirritert
Om lag fire av fem nordmenn svarer at det er noko dei irriterer seg over i ferien.
For den siste femtedelen svarer at dei ikkje har noko dei irriterer seg over.
– Det må vere ei deilig oppskrift på å kome tilbake til kvardagen. Mange har mykje å lære av å akseptere det du ikkje får gjort noko med, meg sjølv inkludert. At nettet forsvinn eller eit fly er forseinka er enormt irriterande, men ikkje verdt å øydeleggje feriedagen på, seier Anfinsen.
Dette irriterer mest:
1. Skitne hotellrom
2. Veggedyr og kakerlakkar
3. Forseinkingar
4. Andre nordmenn sin oppførsel på ferie
5. Folk som sparkar i setet på flyet
6. Mygg
7. Fyll
8. Manglande internett
9. Andre sine barn
10. At reisefølgjet brukar mobilen for mykje
11. Kø for å hente leigebil
12. Eigne barn
13. Partnaren
Kjelde: Frendeundersøkelsen, utført av Norstat
