Det blei fødd fleire babyar i 2020 enn året før

I fjor blei det fødd 65 nye sveibuar, det er 14 fleire enn i 2019, og omtrent likt som i 2016.

– Noko babyboom er det ikkje, fastslår leiande helsesjukepleiar i Sveio, Grethe Natås. Ho refererer til superåret 2011 med heile 89 nye sveibuar, noko som er 24 fleire enn fjoråret.

I motsett ende av skalaen kjem 2019, det året blei det berre fødd 55 born i Sveio. Det var ein stor nedgang frå 2018 då talet var 76, men nokså likt som i 2017 då talet på nye sveibuar var 56.

Sveio kan heller ikkje påberopa seg noko nyttårsbarn. Årets nyttårbarn i Vestland, blei vesle Milly Sophi som kom til verda på Haugesund sjukehus klokka 09.02 første nyårsdag. Foreldra Ane Victoria Gjersvik (35) og Thomas Huse (43) bur på Stord, ifølgje bladet Sunnhordland.