Den nye journalisten er på plass

Morten Vågset Møller (26) har flytta frå Skien til Vestlandet, og valde å køyra langs kysten for å bli kjent med den ytre delen av landet.

– Det var ei oppleving med mykje flott og variert natur, seier han, og gler seg til å bli enno betre kjent i Sveio. Ikkje minst med dei som bur her og alt som skjer i kommunen.

No blir det bokmål

Med 197 centimeter på strømpelesten blir han lett synleg etter kvart som han begynner å farta rundt. Dei første dagane blir brukt til å setja seg inn i ein haug med nye ting, men han er allereie i gong med å skriva den første artikkelen.

Bokmål dukkar opp i Vestavind med ujamne mellomrom. No blir det fast målføre ei stund framover for Morten. Det har til tider vore utfordrande å få fatt i journalistar, mellom anna fordi Vestavind er ei nynorskavisa. For ei tid tilbake valde derfor styret å opna for bokmål for å gjera det noko lettare å få gode søkarar.

Ta vel imot Morten når han ringer eller kjem innom!

Vil du har fatt i han når du han på e-post morten@vestavind-sveio.no og mobil 45500220.

Frå vikar til frilansar

Torsdag sist veke var det avskilslunsj for supervikar Einar Vestvik. Han har jobba 2-3 dagar i veka – og meir innimellom – sidan etter sommarferien i fjor. Han har vore til uvurderleg hjelp for å få ut avisa, og Vestavind er heldige som har ein slik kapasitet å dra vekslar på.

Einar sluttar ikkje heilt, og blir med vidare som ein av dei flinke frilansarane våre.