nyhende
Dårleg vêr gir utfordringar i fjellet
Mykje vind, snøfokk og dårleg sikt fører til at fleire fjellovergangar er heilt stengde, og på nokre er det kolonnekøyring. Snøras stengjer Hemsedalsfjellet.
NPK-NTB Trafikantar som har tenkt seg over fjellet tidleg onsdag, kan måtte vente før dei får køyre, eller finne ei alternativ rute.
Mellom anna er E6 over Dovrefjell er stengd på grunn av uvêr, og Hemsedalsfjellet vart i morgontimane stengt på grunn av snøras.
Natt til onsdag var desse fjellovergangane stengde eller hadde kolonnekøyring:
* Riksveg 13 Vikafjellet: Stengt. Ny vurdering klokka 10.
* Fylkesveg 50 Hol – Aurland: Stengt
* E134 Haukelifjell: Kolonnekøyring
* Riksveg 52 Hemsedalsfjellet: Stengt på grunn av snøras.
* Riksveg 7 Hardangervidda: Kolonnekøyring.
* Riksveg 9 Haukeli – Hovden: Kolonnekøyring
* E6 Dovrefjell: Stengt
Statens vegvesen gjer kontinuerleg nye vurderingar av dei ulike strekningane. Oppdaterte vurderingar blir lagt ut på vegvesen.no.
(©NPK)
