nyhende
Brakke brann i Mølstrevåg
Tysdag 3. mars rykte politi og brannvesen ut til melding om brann i ei brakke i Mølstrevåg.
Publisert
Sist oppdatert
Klokka 17.31 rykte mannskap frå Sveio brannstasjon ut til hendinga.
Brannen oppstod i ei mindre, frittståande brakke på eit privat område langs vasskanten, med god avstand til andre bygg og veg. Det skal verken ha vore fare for personar eller spreiing.
Brannmannskapa pumpa opp vatn frå sjøen og fekk sløkt brannen rundt klokka 18.40, opplyser innsatsleiar og varabrannsjef ved Haugesund brannstasjon, Torgrim Jørgensen.
Operasjonsleiar i Sør-Vest politidistrikt, Rune Tallaksen, melde klokka 19.04 tysdag at politiet opprettar sak på forholdet.
