nyhende
Bil køyrde utfor skrent
Naudetatane rykte torsdag kveld ut til ei trafikkhending ved ei privatadresse i Førde.
Publisert
Meldinga kom klokka 18.19. Det blei då opplyst at ein bil hadde køyrt utfor og at det sat ein person inne i bilen. Brannvesenet rykte ut for å sikra køyretøyet og bistå på staden.
Klokka 18.40 opplyste politiet at bilen hadde falle ned ein skrent på om lag to meter i samband med rygging på privat område. Føraren blei teken ut av bilen og undersøkt av ambulansepersonell.
Ved 19.05 var naudetatane ferdige på staden. Hendinga framstår som ei ulukke utan personskade. Bilen blei dregen opp, og politiet opprettar ikkje sak, melder Jostein Jaarvik Reiestad, operasjonsleiar i politiet.
